Stajyor hám assistent oqıtıwshılar ushın vakanciyalar tańlawı

Nókis mámleketlik pedagogikalıq institutı stajyor hám assistent oqıtıwshılardı jumısqa qabıllaw maqsetinde tańlaw ushın onlayn formada hújjetlerdi qabıllaydı.

Jumısqa kiriw ushın tabalanlarǵa qoyılatuǵın talaplar

Professor lawazımın iyelew ushın tańlawda, qaǵıydaǵa muwapıq, professor ilimiy ataǵına yaki ilim doktorı ilimiy dárejesine, sonday-aq, tiyisli qánigelik boyınsha shet mámleketlerdiń oǵan teńlestirilgen basqa ilimiy dárejelerge iye bolǵan adamlar qatnasıwı múmkin.
Docent lawazımın iyelew ushın tańlawda, qaǵıydaǵa muwapıq, docent ilimiy ataǵına, úlken ilimiy xızmetker yaki ilim doktorı (kandidatı) ilimiy dárejesine, sonday-aq, tiyisli qánigelik boyınsha shet mámleketlerdiń filosofiya doktorı (PhD) ilimiy dárejesine yaki oǵan teńlestirilgen basqa ilimiy dárejelerge iye bolǵan adamlar qatnasıwı múmkin.
Úlken oqıtıwshı lawazımına joqarı maǵlıwmatqa iye bolǵan (magistr diplomlı) qánige, ilimiy dáreje hám ilimiy ataqqa iye bolǵan (sonday-aq, tiyisli qánigelik boyınsha shet mámleketlerdiń filosofiya doktorı (PhD) ilimiy dárejesine yaki oǵan teńlestirilgen basqa ilimiy dárejelerge) hám bunday dáreje hám ataqqa iye bolmaǵan, biraq oqıtıwshılıq, ilimiy-izertlew hám islep shıǵarıw isleri tájiriybesine iye bolǵan puqaralar da qatnasıwı múmkin.
Assistent lawazımın iyelew ushın tańlawda joqarı maǵlıwmatqa iye bolǵan adamlar (magistr diplomlı qánige), sonday-aq, ilimiy dáreje (atap aytqanda, ilim kandidatı, tiyisli qánigelik boyınsha shet mámleketlerdiń filosofiya doktorı (PhD) ilimiy dárejesine yaki oǵan teńlestirilgen basqa ilimiy dárejelerge) hám ilimiy ataqqa iye bolǵan jáne bunday dárejege hám ataqqa iye bolmaǵan, biraq oqıtıwshılıq, ilimiy-izertlew hám islep shıǵarıw jumısları tájriybesine iye bolǵan adamlar da qatnasıwı múmkin.
Tańlawǵa qatnasıwdı qálewshiler institut rektorı atına arza, kadrlardı esapqa alıw boyınsha jeke is qaǵazı, diplomları hám ilimiy jumıslarınıń dizimi, sonday-aq, qánigeligin jetilistirgenligi haqqındaǵı gúwalıǵınıń kóshirmelerin tapsıradı.
Tańlawǵa qatnasıw ushın arzalar daǵaza járiyalanǵan kúnnen baslap 1 (bir) aydan keshikpey beriliwi kerek.

Hújjet tapsırıw

Adres

Qaraqalpaqstan Respublikası, Nókis qalası, P.Seytov kóshesi, nomersiz jay

Telefon

+(99861) 229-40-75

Elektron pochta

nkspi_info@edu.uz

Hújjetlerdi qabıllaw juwmaqlandı.